مدونتى هى مدونه حزب الآه سابقاً غيرت اسم المدونه ولم أغير جلدى بزوال حكم البقره الضاحكه وأعوانه هن مصر وأنا شايف مصر النهارده بترجع بهية الصبية المعجبانية بتاعت زمان

2009/10/24

مأساة الزمالك الإنسانية مترجمه من حنك الخواجة

2009/10/22

طرئع طرائيع جائزة نوفل للسلام إيضاح وتنويه للقارئ المشوش


حصل الرئيس المسالم باراك أوبابا  ( تمشى أوماما ) على جائزة نوفل للسلام واختلط الأمر على كثيرين انها هى نفس الجائزة التى حصل عليها الرئيس الراحل أنور السادات بطل الحرب والسلام  وكذلك زويل ونجيب محفوظ   ولكنى أقول ان جايزة نوبل دى لازم الواحد يعمل عمل جامد أوى علشان ياخدها يا حلوين  أما جايزة نوفل فيرجع تسميتها لعم نوفل العجلاتى ودى كان بيعطيها سنويا للولد اللى بيرجع العجلة المتأجرة منه فى ميعادها ودون تلفيات   أما السلام فدى كمان لان عم نوفل بعد زلزال 92 أخد شقة فى  حى السلام  وزاول مهنة تصليح وتأجير العجل 
وعم نوفل من شدة كرمة مخلصوش ان اوباما   يزور مصر وميعملش معاه واجب وعم نوفل معندوش حاجة يقدما أو يهادى الرئيس الأمريكى بيها غير  الجائزة وتلك هى عادة الشعب المصرى الودود البسيط 
ونرى فى الصورة الرئيس الامريكى يجرى مهرولا نحو نوفل ليخطف منه الجائزة التى تحدث عنها العالم
لذا وجب التنويه ومسااااااااااااااء الطرئعة 

2009/10/15

جت على بالى قصيدة صلوات في هيكل الحب .. لأبى القاسم الشابي

القصيدة دى روشه طحن فعلا بتعلمنا رقة اللغة العربية اللى هى دلوقتى أصبحت شهيدة وغريبة فى وطنها 
( عذبة أنتِ ii)

عذبة أنتِ .. iiكالطفولة..كالأحلام كاللحن..كالصباح iiالجديد
كالسماء الضحوك..كالليلة القمراء كالورد..كابتسام iiالوليد
يا لها من وداعةٍ iiوجمال وشباب منعم iiأملود
يا لها من طهارةٍ تبعث iiالتقديس في مهجة الشقي العنيد
يالها رقة تكاد يرف iiالورد منها في الصخرة iiالجلمود
أنتِ .. ما أنتِ رسمٌ جميلٌ عبقري من فن هذا iiالوجود
أنتِ..ما أنتِ أنتِ فجرٌ من iiالسحر تجلّى لقلبي المعمود
فأراه الحياة في مونق iiالحسن وجلّى له خفايا iiالخلود
أنتِ ..روح الربيع iiتختال في الدنيا..فتهتز رائعات iiالورود
وتهب الحياة سكرى من iiالعطر ويدوي الوجود iiبالتغريد
انتِ تحيين في فؤادي ما iiقد مات في أمسي السعيد iiالفقيد
وتشيدين في خرائب iiروحي ما تلاشى في عهدي iiالمجدود
من طموح الى الجمال الى iiالفن الى ذلك الفضاء iiالبعيد
وتبثين رقة الشوق iiوالأحلام والشدوِ والهوى..في iiنشيدي
بعد أن عانقت كآبة iiأيامي فؤادي..وألجمت تغريدي
فيكِ شب الشباب..وشحه السحر وشدو الهوى..وعطر iiالورود
وتهادت في أفق روعكِ iiأوزان الأغاني.. ورقة التغريد
فتمايلتِ في iiالوجود..كلحن عبقري الخيال..حلو النشيد
انتِ.. أنتِ الحياة في رقة iiالفجر في رونق الربيع iiالوليد
أنتِ.. أنتِ الحياة كل أوانٍ في رُواءٍ من الشباب ii..جديد
أنتِ.. أنتِ الحياة فيكِ iiوفي عينيكِ آيات سحرها iiالممدود
أنتِ .. دنيا من الأناشيد iiوالأحلام والسحر والخيال المديد
أنتِ.. فوق الخيال والشعر iiوالفن وفوق النهى وفوق iiالحدود
واالشابى كان تونسى ومات فى ريعان شبابة وماشاء الله عليه لو كان عاش زى شوقى والبارودى والاخوة دول كان مسحهم 
لكن هكذا كان قدره 
لاحظ التضارب الصارخ بين صوت عبد الباسط حموده فى اغنية يامرايتى وبين الرقى والسلاسة فى لغة الشابى  فرحمة الله على الناس اجمعين من بعد مترو الانفاق ما غنى ولكنى شخصيا بحب صوته اللى هو احسن من  صوت  شاكوش السمكرى اللى تحت العمارة 

2009/10/11

أنا رئيس جمهورية نفسى


اعلنها صريحة  أنى قد نصبت نفسى رئيساً لجمهورية نفسى والتى أحكمها فعلياً بنفسى قبل زيارة مستشفى الطب النفسى ولكن من وراء الستاره ولكننى الأن  وأثناء جلوسى  مع نفسى قلت فى نفسى لماذا لا أتولى رسمياً منصب رئيس جمهورية نفسى  فى العلن والنور لأمكن  من تمثيل نفسى فى المحافل الدولية بين الناس الملتوية
وها أنا ذا أمامكم اتلو قسم الولاء والطاعة لنفسى الحبيبة  ( أقسم بالله العظيم أن اراعى مصالح نفسى واحافظ على دستور نفسى حتى وإن انقطع نفسى سأظل حتى أخر قطره من دمى اهتف نفسى نفسى     اللله    الوطن    نفسى )
فقد بدأت الفكرة بكابوس  اقصد حلم جميل وخلاص اهو الحلم اتحقق وهدبق فلوس بالهبل مهو انا رئيس جمهورية نفسى وهعمل فريق لنفسى يكون كللة تريكة وزيدان والحضرى وبالعند فى المصريين هدخل بيه كاس العالم  مع نفسى ولو حكمت  حدخل البريميير ليج فى البلاى ستيشن 
وإوعى وشك  
هخلى قانون المرور وإتجاهات السير تتوافق مع احتياجات نفسى يعنى الاتجاه الصح اللى انا نفسى امشى منه والغلط عكسة  طبعا واضحة وبسيطة  ومافيهاش إجحاف لأى حد 
هطول بالى مع أى معارضة  لنظام الحكم فى نفسى  بس ما أضمنش انى اتحكم فى نفسى