حكاوى مصرية: بيئة ملوثة

2006/05/19

بيئة ملوثة

انا اكره تلك البيئة الملوثة

وحتى لا يساء فهمى فبلاختصار انا دخلت على شوية مدونات بتاعت ناس

بيدعو انهم بتوع سياسة او هم كذلك الله اعلم بما فى النفوس

المهم اننى وجدت نفسى وقعت فى سلة قمامة من النوع اللى بيكون موضوع جوار المدبح يعنى فية من الخيرات قصدى من الموبقات والصفاقة ما يكفى ليس لخير تلك البلد بل لاحتلالها من قبل من هم اقذر من الاسرائيليون والامريكان

وكانت تلك المشاهد التى ساقصها عليكم واكيد انتو عارفينها كويس

مناظرات ومحاضرات فى قلة الادب بين الرأى والرأى الاخر

****

الفاظ نابية يعاقب عليها الابوين وحتى المس فى المدرسة ولا تصلح للنشر ولو حتى على حبل الغسيل

****

مخاطبة الذات الالهية بازدراء وذلك بالاكثر على لسان واحد عامل انو مسمى نفسة ابليس

****

كل هدف الاخوة بتوع ذلك الموقع السفية هو عودة الاخ عــــــلاء لمراتة الهة الحسن والجمال منــــــال زى مايكون مفيش معتقلين فى الدنيا غير الافندى مع انة الحصيلة بحساب اليوم الخميس قد تصل من 750 الـى 1000معتقل

****

يا جماعة الاتحاد قوة والتفرق ضعف وهزيمة

تقلصت قضية هذا الوطن من قضية الظلم والظلام الى قضية الاستاذة ام شورت والاستاذ علاءسيف الاسلام

****

ارجوكم افيدونى عن صحة كلامى ولو حد اقنعنى بعكسة ساعتذر و امحو هذا الكلام من مدونتى

<$BlogItemCommentCount$> Comments:

El3en Elsehrya said...

I salute u.
Go ahead with your nice blog.
And , thanks to your visit to our blog.

9:14 ص

Tamer Nabil Moussa said...

والله يا اسد

فية ناس لعبتها الالفاظ الخادشة للحياة والتصرفات غير مظبوطة باسم الحرية وهى بعيدة تماما عن الحرية

ربنا يهدى

12:18 م

غير معرف said...

أزال أحد مشرفي المدونة هذا التعليق.

11:22 م

aiman said...

رأي العبد لله قلته مرتين ...

مره لجار القمر .. ومره لابن عبد العزيز .. و في المرتين كان الرد مايسرش ...

خلاصة القول يا اخي ان البلوجز ما هي كما يفول اصحابها الاوسيله للتنفيس عن مكبوت النفس .. اجتماعيا او سياسيا او حتي عاطفيا ... وهي تخاطب شريحة مثقفي المجتمع ... او هذا ما يبدولي .. الكارثه تكمن عند قرائتك للنوعيه التي ذكرتها للمدونين و قرائهم ..ان يراودك ذلك الهاجس المرعب ان تكون الطبقه
المثقفه في مصر بهذا التدني الخلقي ..

وهو تدني غريب جدا ... كأنها شيزوفرينيا ... ازدواجيه غير عاديه ... ترى الاخ من دول يكتب دررا ثم يتبعها قبحا ... استحضار غير عادي للقبح بابشع صوره بسرعه و اريحيه غريبه جدا ...

و لو كنت فظا غليظ القلب لانفضوا من حولك

واشكر لك المرور ... وعلي فكره اجابه لسؤالك ... و ربنا ما يحكم علي حد ... اقول الحمد لله علي كل حال ...

3:08 م

asadma7bos said...

سارة طبعاً اتفق معك فى هذا الكلام
لكن مالا تدركية ان هذا الكلام هو الطابع العام الغالب على فئة معينة من الشباب فى مصر واكيد فى لبنان مفيش زيها
شكرا للزيرة الحلوة ولو انك مشربتيش حاجة

*******************************
العين السحرية

شكراً على المجاملة اللطيفة ولكن للاسف احتمال قريب جداً اتوقف عن الكتابة
شكرا للزيرة الحلوة ولو انك مشربتش حاجة
**********************************

نيجى دلوقتى لتامر اللى لية معزة خاصة فى قلبى
اولاً انا بعت ليك ميل لو مفتحتوش
افتحة ولو موصلش
ادينى ميل ليك يكون اكتيف
او اكتبلى على
asadma7bos@yahoo.com

شكرا للزيرة الحلوة ولو انك مشربتش حاجة

*******************************
ايمن اوافقك الرأى تماماً لدرجة انك شايف الموضوع من زاوية اوسع منى شخصياً
بالرغم من انى انا اللى طرحتة
رأى بناء ومنطق سليم
على فكرة السؤال اللى بالى بالك مجرد هزرة زغيورة
شكرا للزيرة الحلوة ولو انك مشربتش حاجة

4:57 ص

shady said...

أم شورت!!!!!!!!!!!!!!
هو فى حد بيطلع المظاهرات بشورت يا أسد
أنت بتطلع مظاهرات فى العجمى ولا ايه؟؟

8:29 ص

littilemo said...

معاك نصف الحق
والنص التانى مش موجود اوى

5:46 م

MrMr said...

بص يا سيدي
الناس لما بتتكلم علي حبس علاء بينكلموا عنه كشعار او ممثل لكل اللي اتحبسوا و اتخدوا في المعتقلات في المظاهرات دي
بس لما تتكلم عن حد مشهور نسبيا بيكون الكلام له صدي اوسع
انا معاك ان الطريقه عند بعض الناس وحشه اوي عند علاء نفسه-لسانه طويل شويه- بس في الاول و الاخر هو مصري و بيحاول يصلح بلده
والاصلاح مش لازم يجي من الاسلاميين او الملتزمين دينيا بس و لاحظ ان الصور دي صور شخصيه لذكرياتهم مع بعض
و بعدين يعني الشورت احسن من البيكيني اللي مالي الشواطئ العربيه و ماحدش بيتكلم ولا علشان هي منال؟
انا مش باقول الكلام ده كله علشان انا من اصحاب علاء و منال ولا اعرف عنهم اكتر من اي حد بس يعني لو اتكلمت عن محمد نبيل هو كمان معتقل حد هيعرفه؟
حد هيسأل مين محمد نبيل ده؟ معتقل ليه؟
ليه اهله حتي ميعرفوش هو فين؟
ربنا يفك كربهم كلهم

10:08 ص

arabic man said...

معاك حق فحرية التعبير لا تعني تجاوز الأصول والمعقول
مدونة مميزة وممكن أعملها لنك من عندي من البلوغ حتى زورها دائما

4:35 م

مأمون المغازي said...

عزيزي :
بداية اشكرك للزيارة
أنت تطرح موضوعًا شائكًا جدًا لأن بالفعل الكلام في السياسة يختلف عن السياسة كما أن فتح المساحات التدوينية منح الكثيرين الفرصة لبث آراء ربما هم أنفسهم غير مقتنعين بها
أما هؤلاء الذين يوجهون الغساءة للذات العلية فهؤلاء فئة مشبوهة وقد حاولت ذات مة النقاش معهم غلا أنهم خفافيش يا عزيزي لا قدرة لهم على النقاش وإنما هم متخصصون في البلبلة
وأنا لا أنكر أننا نواجه معتركًا صعبًا في هذه الفترة ولكنه معترك صحي لأنه سيوصلنا إلى حقيقة واقعية والبوح أفضل من الصمت وربما كان موضوع علاء تفجيرة خمة لأن المدونين وجدوه وسيلة للتعبير ومادة جيدة لرفع صوتهم إلا أنني لست مع التبذل كوسيلة لإبداء الراي والضغط على الآخر ولكن طفوحات المجتمع بدأت في الظهور أو بالأحرى البالوعة فتحت لتنظيفها ففاح منها ما لا نرجوه ولا نتوقعه
وحدثت إسقاطات نتجت عن تكثف المواد السامة والآخر ـ للأسف ت يجيد استغلال ذلك كله
عزيزي هذا موضوع لا يناقش في تعليق ولا يناقش بما كتبت إنما يحتاج غلى الكثير والكثير
غنما الشيء السئ بالفعل هذه الشتائم وهذا الابتذال في النقاش على صفحات من المفترض ان تكون أقى من ذلك
ارى أن الحل المناسب هو عدم التعرض لهؤلاء من باب العضو غير المستعمل يضمر وقد يسقط من الجسد لأنه لا محل له
عزيزي ك
لنا حوارات بغذن الله
ربما تستطيع زراعة الأسفلت
تحياتي

5:10 م

Ahmed Shokeir said...

لما الصحفيين بيتحبسوا بيق جنبهم زملائهم بقلمهم ويصعدوا القضية وكل مجموعة دايما بتركز بشكل خاص على أفرادها عشان كده كان لازم يكزن مجتمع المدونين متأثر بعلاء ومالك وغيرهم
علاء من اوائل المدونين وكان له تأثير كبير في إنتشار التدوين من خلال مدونته منال وعلاء

لكن اتفق معاك بان من يكتب بطريقة فيها إساءة والعياذ بالله للذات الإلهية أو مقدساتنا من باب التميز والجرأة فده شيئ ممقوت ومرفوض من الكل
علما بان علاء تعليقاته دائما لاتخرج عن حدود اللياقة

6:31 م

asadma7bos said...

شادى
انت فهمت غلط الشورت ده فى صورة اتحفتنا بيها ست الحسن على البلاج وبالنسبة للمظاهرات فانا مش فاضى
للسياسة
شكرا للزيارة الحلوة ولو انك مشربتش حاجة
************************
littilemmo
كلامك مش محدد عن اية وازاى
شكرا للزيارة الحلوة ولو انك مشربتش حاجة
******************************
mrmr
كلامك صح بس طالمانحن نبتغى العزة بغير الاسلام سنظل ازلاء لأننا شعب لا يمتلك مقومات الحضارة الغربية على الاقل حتى هذا الزمن الحاضر
شكرا للزيارة الحلوة ولو انك مشربتيش حاجة
*******************************
ayhm
شكراً على الكلام الرقيق وممكن ياعم تعمل لينك مفيش مانع
شكرا للزيارة الحلوة ولو انك مشربتش حاجة
********************************
مأمون المغازى
رأيك يحمل حل جزرى لهذة المشكلة ولكن السيئة تعم والحسنة تخص
شكرا للزيارة الحلوة ولو انك مشربتش حاجة
**********************************
شقير
الشيخ كشك زمان قال ان الاسلام دة جدارة واطى كل من هب ودب بينط من علية
شكرا للزيارة الحلوة ولو انك مشربتش حاجة

10:18 م

Heba Al_Menshawy said...

الحرية في التعبير مشروطة بحدود لا يجب ان يتعداها.. انا من حقي ان اقول رأيي ولكن في اطار الادب وانتقاء الالفاظ
والاسوأ من ذلك انك تقول انهم يتكلمون
تحياتي

12:05 م

asadma7bos said...

هبة واضح انو حد دخل عليكى وانتى بتكتبى الكومنت فقفلتى قبل ما تقولى حاجة مفيدة بصى بعد كدة ابقى اكتبى الكومنت لما ميكونش حد فى البيت
هههههههههههههههها
شكرا للزيارة الحلوة ولو انك مشربتيش حاجة

3:42 ص

Heba Al_Menshawy said...

مفهمتش قصدك ايه؟؟؟
يعني ايه حد دخل عليا؟ ويعني ايه مقولتش حاجة مفيدة
عموما عذرا اذا مشاركتي كانت غير مفيدة :(

12:20 م

Heba Al_Menshawy said...

اخي اسد محبوس
فعلا في كلام المفروض كان موجود مش عارفة راح فين ... عموما انا اقصد انه اسوأ ما في الموضوع واللي فعلا وصلت بيهم لدرجة كبيرة من الوقاحة انهم يجرأوا ويتكلمموا عن الذات الالاهية بازدراء وسخرية

بس ليا ملاحظة على تعليقك بعيدا عن
موضوع المدونة.. على ردك الكومينت بتاعي ... هو الواحد لما يحب يشارك او يدخل على النت بصفة عامة علشان يقدر يكتب لازم يكون مفيش حد جنبه او في البيت!!!
انا عارفة انك تقصد منها دعابة لكن لا يمنع انه رد غريب

11:03 ص

Bella said...

أن يكون للانسان قضية بدافع عنها فهذا امر محمود ولا غبار عليه.

لكن طريقة واسلوب دفاعه عن قضيته يكون له اثر كبير في الاهتمام بهذه القضية او التأثر بها.

واستخدام الالفاظ الخادشة للحياء لايوجد مايبرره حتى لو كان الواحد طهقان من النظام فلايعني هذا ان اسبه بألفاظ لاارضى ان اسمعها على امي وابي.

قبل ان اعمل مدونة تجولت في عدد غير قليل من المدونات ورايت مايشيب لهوله الولدان.

وبالطبع هناك مدونات ادخلها كل يوم وهناك مدونات دخلتها مرة واعتقد اني لن اكرر دخولها.

الخلاصة ان الاسلوب الذي يتفق مع منهجي في الحياة هو الذي سأتبعه وبخلاف ذلك فلاحاجة لي به.

كلمة أخيرة
سمي الأدب أدبا من التأدب.

فمن يريد ان يعبر بالكتابة فليختر الفاظا ستبقى خلفه وسيذكره الناس بها دوما. ولغتنا العربية من اثرى لغات العالم وبها من وسائل التعبير الكثير فلماذا الوقوف عند الخادش من الالفاظ ؟؟؟

9:57 م

asadma7bos said...

bella
كلام مشجع ومهذب وشعور جميل منك يظر تفاعلك الحقيقى مع تلك البلوة التى ابتلينا بها والتى تضرب الصوت الوطنى الشريف فى مقتل
زيارة جميلة وانا عارف انها ستتكرر
لان الرجل بتدب مطرح ما تحب واحنا فى مدونة حزب الاة بنحب كل اصدقائنا واخواتنا

2:29 ص

غير معرف said...

Best regards from NY! http://www.word-games-8.info http://www.h2-hummer-commercial-song-music.info Fotos sexy legs endermologie cellulite Evista sexy logger chevrolet Best prom dresses ever in tyne weae Runco tv portable car fiat 126p Culinary art schools in new mexico various internet marketing malpractice Baseball facts and trivia St. louis missouri security systems contractors anti virus

10:34 ص

إرسال تعليق

<< Home

حكاوى مصرية

2006/05/19

بيئة ملوثة

<$BlogItemCommentCount$> Comments:

من أنا