مدونتى هى مدونه حزب الآه سابقاً غيرت اسم المدونه ولم أغير جلدى بزوال حكم البقره الضاحكه وأعوانه هن مصر وأنا شايف مصر النهارده بترجع بهية الصبية المعجبانية بتاعت زمان

2011/09/03

تحية لكل اهل مصر والعالم الحر


الحمد لله نجحت مصر فى تخطى أول عقبه فى طريق ثورتها العظيمة وبناء عليه غيرت اسم المدونه من (( حزب الآه )) اللى هى كلمه بتدل على الوجع لاسم (( حكاوى مصرية ))
تانى العقبات امام ثورتنا هى تنصيب قائد لتلك الثورة واللى هو مؤقتاً المجلس العسكرى ذو القامة الشامخة ولكن سيذكر التاريخ اسم قائد الثورة فى المستقبل وحتى لا أحيركم معى فالقائد للأن غير معروف لأنه هو نفسه أول رئيس جمهورية سينتخب من قبل الشعب والذى أظنه سيكون القائد الحقيقى للثورة والذى سيتولى تحقيق اهداف الثوره بما يتماشى مع طموح ابناء مصر
عاشت مصر وعاش أبناؤها فى حرية وكرامة ورخاء بدون أولاد حسنى وسوزان

2011/02/03

بلطجه ..اكشن .. ثورة الكرامه الأولى 25 يناير 2011


المشهد الأول : بلطجيه يتم استدعائهم من ثلاث فئات
أول فئه هى الموظفين المغلوبين على أمرهم من رجالة أنس الفقى وسامح فهمى وعائشة الخدامه اللى بتبوس على أيد الست الكبيرة ( العجوز الشمطاء )
ثانى فئة هى : فلول الهاربين من علقة يوم 25 و26 و 27 و28 يناير من ازلام مايسمى العادلى وده راجل كان مسئول عن شوية بلطجية لابسين يونيفورم موحد ومسميهم قال ايه وزارة الداخلية    تييييييييت  اسف
 تالت فئة هى من المسجلين والحرامية وحثالة المجتمع اللى كان هتلر بيولع فيهم علشان المجتمع يعيش فى سلام باختصار يعنى الناس اللى بيصلطوهم على الناس فى الانتخابات 
المشهد الثانى : جمال وصفوت والشربينى وأبو العينين  بيتفقوا معاهم وبيقبضوهم وبيرسموا الخطة والمداخل والمخارج ومين هيركب إيه وكانت ساعة الصفر هى نهاية خطاب أبوعلاء  ( ابو علاء تعبير رمزى لكل ظالم متعجرف  ومش هو وكيل ماركة اكتيف الشهيره لعد سوء الفهم )
المشهد الثالث : ميدان الحرية  ( التحرير سابقاً )  ثورة الكرامه شباب من الاخر ولاد أقل ما نصفهم به هو انهم من رفعوا هامتنا  يقوم البلطجية والوالحرامية وفلول العادلى بالهجوم بالشوم والطوب وقنابل المولتوف والخيول والجمال ويحدث كر وفر طوال اليوم والليلة ويعاد تحرير ميدان التحرير ويبيت الشباب فى انتظار امر يدبر بليل وربنا يعديها على خير ونخلص من الراجل ده لأن لو مخلصش هيصفى كل الشباب الحلو ده وانتو عارفين الضيوف بتوع بالليل 

2010/12/22

ديوان أبيع نفسى

ديوان ابيع نفسى
ــــــــــــــــــــــــــــــــــــــــــــــــــــــــــــــــــــــ

القصيدة الاولى


الحلزونة

الحلزونة والحلزون

اتقابلو فى ثقب الاوزون

الحلزونة جوة متاهة

والحلزون لما استناها

هربت وقعت جوة البير

السما بتمطر مسامير

الحلزون مكبوت واسير

الحلزونة انتحرت فجأة

والحلزون خبطتو عربية

عدت فى ميدان التحرير

الحلزونة ياما والحلزون
-----------------------------------------------------
القصيده الثانية

السنونو

حقول كل حاجة

حقول كل حاجة

حغنى واهوهو

حمأمأ واصوصو

حنهأ وانونو

لكن فى النهاية

بحب السنونو

بحب السنونو

بحب السنونو

_ _ _ - _ _ - _ _ - - _ _ _

وفى الختام

أبيع نفسى لاول مشترى اتى

ابيع مقهورا حبيباتى كلماتى

فليسقط الشعر ولتنهار أبياتى

فالشعر شعرى والمأساه مأسااتى


2010/10/19

عيب يا سعادة الباشا دى بنتنا يعنى مسلمة ومصرية

هنشوف مراتك بتتضرب بالفبقاب على الأمبولة يا كلب يا حقير يا حامل الامراض ومركبات النقص جمعاء هل كانت امك غسالة لتضرب بنت بهذا الجبن لا والله فالغسالة تأكل من عرق جبينها بشرف
اذاً انت ابن غانية لانها تأكل من عرق وراكها   فهى تشبه المبولة العامة كل واحد يفرغ حاجتة فيها مقابل مبلغ من المال  وفى حالة أمك اعتقد انها كانت تحمل نوتة لحساب الزبائن  أى أنها كانت  .......بتيييييييييت شكك     فأنت تذكرنى بعهد عبد الناصر البائد وعهد الدولة البوليسية  اسألك هل تشربت الشرطة فى دمك لدرجه أفقدتك النخوة فأصبحت خنزير  اقولك كلمتين  فى ودنك 
 أولاً واسطتك فى دخول الشرطة كانت أمك  
ثانياً جارى لواء شرطة طلع على المعاش من شهر برتبة لواء والله مش لاقى حاجة يعملها بعد ما اترمى    عقبالك بفضيحة قول آمين ونشوف الفيديو 

2009/11/22

االلى حضر العفريت عليه يصرفه مصر والجزائر الحقيقة التائهة

كلمة ورد غطاها  حرب كلاامية طويلة امتدت لشهور وتكثفت  فى أخر شهر بين الطرفين وكللو على طريقتة  همجية وشراسة من ناحية الاعلام الجزائرى و تعنت وعنجهية من ناحية المصريين  واتضح ان الجزائريين مابيهزروش  لما وصلو المطار فى القاهرة  كام عيل  رجمو الاتوبيس بالحجارة فا  سمير زاهر حس ان السبوبة هتضيع فى طوبة  هرول على مكان الاتوبيس وعمل الشوية بتوعة والجزايرية عملو شويتهم  وافتكرناها عدت لكن هى عدت علينا احنا وهما لبدولنا فى الدره وسخنو صحافتهم  هنسميها مجازا صحافة لما تفرج  
المهم عندنا طلعت مكرمة رئاسية للشعب الغلبان انو يحضر المباراة التانية اللى فى السودان  على نفقة الدولة ( مرة فى العمر يعنى ) قوم شوف اللى حصل  راحو مخصصين الرحلات للمحاسيب والناس اللى مش لازمها  ( ماديا يعنى ) وكأن القدر قد خبأها لهم  وبالفعل خرجت جحافل البربر من الحوارى والدروب وأخذوا فى الضرب فى فرافيرنا تاره وفى التفنن فى قلع البناطيل تاره  و.................. تارة اخرى والاخيرة دى عدوها ماشى 
طيب احنا عاوزين ايه  مش قولنا من الأول اللى بيعرف يحضر العفريت يعرف يصرفة  ياشلبى  ويا مصطفى عبده  وياسمير زاهر  
وكما  قال محللنا   السكندرى القدير محمود بكر    ( أكلوها وشَرَبوها ) وبالفعل هى بالهنا والشفا ويارب مانعيش علشان مانخدش غيرها  استمتعوا الفيديو بقى 

2009/11/06

أرقصى يا خضره .... لأ مـش قادره (1)



أقدم  وعلى مدار أسبوع الجزء الأول من هذا الفيلم 

وعفواً اللـــــــــــــى خايف يـــــــــروَح



2009/11/05

كتيبة الإعدام



هتولع وهنولعها ولازم ان شاء الله نروح من الاستاد مبسوطين بالتلاته

وعلى فكرة احتمال كبير اقدر أحضر لقاء المدونين بس للاسف خايف ملاقيش حد أعرفة