مدونتى هى مدونه حزب الآه سابقاً غيرت اسم المدونه ولم أغير جلدى بزوال حكم البقره الضاحكه وأعوانه هن مصر وأنا شايف مصر النهارده بترجع بهية الصبية المعجبانية بتاعت زمان

2006/05/27

لـــيـــه


ليه وليه تانى مرة
الحلقة الثانية من مسلسل ليه الذى كتب سيناريو الجزء الاول منة الكاتب احمد شقير و نقلتة ذات المريلة الزرقاء

ليه لما بيكون غنى ومش لازمة بنلاقى ابنة المتواضع القدرات أصبح موظف بالدولة فى وظيفة محترمة بمرتب محترم مع ان اللى مش لاقى اللقمة ومعاه مؤهل محترم بنلاقية شغال يا ولداه فى عصارة قصب
***
ليه لما يكون متفوق بيخلص الكلية ويقعد على الرصيف والبليد ابن وكيل الكلية بيصبح معيد مع انة كان بليد
****
ليه الأول على كلية الحقوق ملوش مكان فى النيابة وابن المستشار (( فلااااان )) بقى باشا كبير ووكيل نيابة مع انة كان بليد وناجح على الحٌرٌكرٌك
****
ليه لما الفنان القدير (( فلااااان )) ابو فلوس من غير عدد جتله كرشة نفس وحواجبة وجعتة سافراوروبا علشان طبعاً يتعالج على حساب البلد وابن البلد عم احمد الغلبان اللى الفقر معلم على جتتة وعلى بيتة وعلى اولادة وطبعاً معلم كمان على دكانتة لما المرض صابه احتاج نلم لة فلوس علشان نشترى لة الدواء من خارج المشتشفى (( مش تشفى )) علشان نقص الامكانيات بالمشتشفى اللى تجلت على حظ الحزين
****
صدق اسماعيل ياسين لما قال متستعجبش متستغربش
فيه ناس بتتعب ولا تكسبش *** وناس بتكسب ولا تتعبش
****
وكذلك قال الشاعر الحلمنتيشى الذى مات من الجوع
خلى زكايب الهم مربوطة
***
ناس زعلانة وناس مبسوطة
***
ناس تاكل يوماتى اللحمة
***
وناس مش معاها حق القوطة
***
ناس الرومى على سطوحها بيجرى
***
وناس كتاكيتها جتلها شوطة
اغـــيــــــثـــونا اغـــيـــــثـونــــــا

2006/05/19

بيئة ملوثة

انا اكره تلك البيئة الملوثة
وحتى لا يساء فهمى فبلاختصار انا دخلت على شوية مدونات بتاعت ناس
بيدعو انهم بتوع سياسة او هم كذلك الله اعلم بما فى النفوس
المهم اننى وجدت نفسى وقعت فى سلة قمامة من النوع اللى بيكون موضوع جوار المدبح يعنى فية من الخيرات قصدى من الموبقات والصفاقة ما يكفى ليس لخير تلك البلد بل لاحتلالها من قبل من هم اقذر من الاسرائيليون والامريكان
وكانت تلك المشاهد التى ساقصها عليكم واكيد انتو عارفينها كويس
مناظرات ومحاضرات فى قلة الادب بين الرأى والرأى الاخر
****
الفاظ نابية يعاقب عليها الابوين وحتى المس فى المدرسة ولا تصلح للنشر ولو حتى على حبل الغسيل
****
مخاطبة الذات الالهية بازدراء وذلك بالاكثر على لسان واحد عامل انو مسمى نفسة ابليس
****
كل هدف الاخوة بتوع ذلك الموقع السفية هو عودة الاخ عــــــلاء لمراتة الهة الحسن والجمال منــــــال زى مايكون مفيش معتقلين فى الدنيا غير الافندى مع انة الحصيلة بحساب اليوم الخميس قد تصل من 750 الـى 1000معتقل
****
يا جماعة الاتحاد قوة والتفرق ضعف وهزيمة
تقلصت قضية هذا الوطن من قضية الظلم والظلام الى قضية الاستاذة ام شورت والاستاذ علاءسيف الاسلام
****
ارجوكم افيدونى عن صحة كلامى ولو حد اقنعنى بعكسة ساعتذر و امحو هذا الكلام من مدونتى

2006/05/11

صور لم تراها من قبل




هذه الصور التقطت عام / 1961 فى غزه وهى لشخصية قائد ملهم علية رحمات الله اغتالتة الة الغدر الامريكية الصنع وهو على كرسية المتحرك ترى لمن تكون هذه الصور