طخ طيخ اهـ اوعى احنا حزب الله

وعملوها لكنهم حسب تعبيركل القادة الاشاوس مغامرات غير محسوبة ودة تصريح جاهز لسة واصل من البيت الابيض وطبعاً مفيش علاقة بين البيت الابيض والخبز الابيض على رأى المرحوم الكابتن لطيف ده تشابة اسماء ولكننا اليوم امام مرحلة فارقة من تاريخ العالم والمنطقة العربية بأسرها فهناك استبيسال وفدائية شديدين وتهاون وتخازل ومعيلة شديدين فأيهما تفضلة بالجبنة ولا بالكاتشاب ولا بالجمبرى ولا بالتوابل العربية ودة انصحك ما تحاولش تجرب طعمة علشان طعمة دايماً مر فهل هناك امل ان نستطعم اى حاجة بطعم العزة والكرامة مصنوعة فى مكان غير فلسطين او لبنان

نحن لا نضرب الودع بس عادةً بيحصل كدة

فى الرابع من يونيو كان هناك موضوع كتبة جحا فى مدونتة المحبوبة جحا دوت كوم وكان تعليقى على الموضوع
اخى جحا اولاً شكراً على السيكو سيكو اللى فى بالك ثانياً احب اعرفك انك متشائم جداً واعلمك ايضاً بأن المزابح الامريكية هى سلوك غير مخطط لة اى من قبيل المصادفة ما تحدث احدى المزابح فعلى سبيل المثال الليلادى احنا فاضيين وزهقانيين فيكون لسان حال الميجور جنرال ريتشارد جاى (الاسم افتراضى) يلا بينا نصطاد شوية مدنيين طبعاً اصلهم فاضيين وعارفين ان العرب لن يحركوا ساكناً حتى ولو القو القنبلة الذرية على العراق وانا ارى انه حقهم ما دمت انت لم تهم بالدفاع عن نفسك ثانياً بالنسبة لموضوع تونس فعندك خطأ كبير فى اعتبار تونس كلها طائفة واحدة لأن تونس عبارة عن فئتين الاولى هى الشعب المطحون التعبان والثانية هى فئة الخنزير الحاكم الذى يسمى نفسة زين العابدين وانا ارى انة لابد من تسميتة زنديق العلمانيين بن على لأن اخر اختراعاتة هى بطاقة ممغنطة لترشيد دخول الناس للمساجدوطبعاً هيصطاد اللى يلاقية عدى التارجت بتاعة ثالثاً انتظر كارثة ستحل بالاقصى او بالفلسطينيين او بالامة بوجة عام فى ظل انشغال العرب بكاس العالم وهذا الشهر كل اربعة سنوات يكون فرصة فالجميع فى ثبات عميق ولا عزاء للاخوة النعسانين وفى القصور متنبلين
******************
وكان هذا التعليق قبل الاحداث الدامية التى تحدث حالياً فى غزة بقرابة الشهر فيا هل ترى صدق حدثى راجع لانى ولد مية مية فى التنجم وضرب الودع والرملة كمان ولا نقدر نقول صدفة بحتة تحدث كل اربع سنين فى نفس توقيت كاس العالم
لو حد وصل لحل المعادلة دى انا ممكن ابعتلة هدية قيمة عبارة عن غارة اسرائيلية انما اية وهمية وعلى فكرة انا مقاطع طواعية كل المنتجات الاسرائيلية اللى ليها بديل عربى ماعدا الغارات طبعاً علشان دى العرب مش بيعملوها ابداً
هههههههههههههههههههههه
طبعاً انا عارف انوفية واحد نفسة خبيثة بيقول المجنون دة بيضحك على اية فهنريحة ونقولة على خيبتك طبعاً ونواصل الضحك
ههههههههههههههههههههههههههههههههههههههه ها ها ها